Hannes van der Merwe is 'n gebore Vrystater (Bethlehem) en aanskou die lewenslig in 1935. Hy voltooi ook sy Hoërskool-loopbaan op Bethlehem; waarna hy tot die staatsdiens toetree (onder andere as Opleidingsbeampte by die Staatsdienskommissie) en onderneem verdere deeltydse studie in sy jare as staatsdiens-amptenaar. Hy sluit sy loopbaan af as lektor in Afrikaans en Engels aan die latere Technikon van Pretoria. Oom Hannes is 'n deeltydse boer en woon in Magalieskruin, Pretoria.