Chantal Labuschagne is sedert November 2009 die hartklop van die VVK kantoor in Pretoria.  Die mooi meisiekind (met stoute vonkels in haar groen oë) is 19 jaar oud. Sy het gematrikuleer in 2008 en het daarna op haar eie London gaan verken vir 'n paar maande.

Chantal beplan om haarself te bekwaam vir 'n loopbaan in mediese navorsing, sy hou ook van tennis, muurbal en die kunste.  Dit is 'n voorreg om die toekomstige prof Labuschagne in ons span te hê, sy gaan diep spore trap met haar betrokkenheid by die werksaamhede van die VVK.

Die VVK groet en bedank Lelani Pelser wat die VVK kantoor beman het tot en met September 2009. Lelani se bydrae tot die VVK sal altyd onthou word. Ons wens Lelani, die meisie wat vir elke dier in haar hart plek het, voorspoed toe.