Die geskiedenis van ons Taal.

Die gedig Kaatje Kekkelbek se mengelmoes taal spot ook met die bekende dr Philip:


My name is Kaatje Kekkelbek,


I come from Catrivier, Daar’s van water geen gebrek

But scarse of Whine and Bier.

My ABC at Ph’lipê’s school

I learned a kleine beetje,

But lef it just as great a fool

As gekke Tante Meitje


Boniface was baie geïnteresseerd in die verskille in Afrikaans en in1844 skryf hy ‘n artikel oor die verskille tussen Afrikaans en Hollands.


Die eerste belangrike werk in Afrikaans is geskryf deur Louis Henry Maeurant. Hy was die seun van ‘n Frans-Switserse vader en Engelse moeder, wat in ‘n Afrikaanse gesin groot geword het. Hy was redakteur van die Grahamstadse Hollandse weekblad: Het Kaapsche Grensblad. Hierin het hy dikwels in Afrikaans geskryf. Hy is die skrywer van die eerste Afrikaanse boekie, Zamenspraak tussen Klaas Waarzegger en Jan Twyfelaar wat in 1861 verskyn het. Daarin het hy gepleit vir die afskeiding van die Oostelike Provinsie van die Westelike Provinsie. Met die geskrifte wou hy die Afrikaners oorhaal om die Engelse koloniste te help om dit reg te kry.


Om hulle steun te kry moes hy in hulle taal skryf. In die boekie is hy Klaas Waarsêgger wat al die Twyfelaars oorreed dat hy reg is. Die boere het hom nie geglo nie, maar tog begin belangstel in die skryf van Afrikaans. Hoewel hy Engels wou dien het hy Afrikaans aangehelp. Baie het hom nagevolg en Afrikaans in koerante en briewe geskryf.

Een van die groot mylpale was hiermee bereik – Meurant het nie Afrikaans gebruik om daarmee te spot nie, hy het Afrikaans gebruik omdat hy ‘n ernstige saak wou bevorder – die politiek.


Hiermee het hy bewys dat Afrikaans nie net ‘n kombuistaal is nie.

77 views

Volksraad Verkiesing Kommissie

© Copyright: VVK
No part of this website may be reproduced or transmitted in any form or by any means, 
electronic or mechanical, including photocopying, recording or by any information storage and retrieval system, without written premission in writing from the VVK.